Ghada il-Hadd 20 ta' gunju 2010 Franklin Vella u Trevor Sultana,  zewgt Seminaristi mil-Parrocca tax-Xewkija ser jinghtaw id-Djakonat mil-Isqof t'Ghawdex fil-Katidral t'Ghawdex fis- 6.00pm .

Franklin Vella

Trevor Sultana

Franklin Vella twieled fis-7 ta' Frar 1985, minn John u Rita nee Attard.  Huwa t-tieni wiehed fost erba ahwa.  Ta' tliet snin huwa dahal fil-kindergarten ghand is-Sorijiet Dumnikani li dak iz-zmien kellhom kunvent magenb il-kappella tal-Madonna tal-Hniena.  Bejn is-snin 1990 u 1996, Franklin ha l-edukazzjoni primarja tieghu fl-iskola tax-Xewkija, illum l-Iskola Rosa Magro.  Ta' 8 snin huwa dahal abbati fil-parrocca taghna u baqa' jaghti dan is-servizz sakemm dahal is-seminarju ta' 18-il sena.  Franklin ha l-edukazzjoni sekondarja tieghu fl-Iskola Ninu Cremona bejn is-snin 1997 u 2001.  Fl-2001 huwa beda s-sixth form u fl-istess zmien beda jattendi ghall-preseminarju - laqgha ta' darba f'xahar fejn zghazagh li jkunu qed ihossu s-sejha jkollhom mument ta' talb u riflessjoni flimkien.  Franklin beda l-formazzjoni tieghu ghas-sacerdozju fis-sena 2004, fis-Seminarju tal-Qalb ta' Gesu, ir-Rabat.  Bejn is-snin 2007-2008, huwa ghamel l-esperjenza tas-sena intermedjarja gewwa l-parrocca ta' St. Kevin, gewwa Queens NY, fl-Istati Uniti.  Lura minn din is-sena Franklin kompla l-formazzjoni fis-seminarju u beda jircievi l-ministeri li bil-mod il-mod iwassluh ghas-sacerdozju - fi Frar tal-2009 ircieva l-ministeru tal-Lettorat, filwaqt li f'Dicembru tal-istess sena rcieva l-ministeru tal-Akkolitat, u b'hekk beda jwettaq il-ministeru tat-tqarbin.  Fl-20 ta' Gunju, Franklin se jigi ordnat Djaknu fil-Katidral t'Ghawdex, mill-Isqof Mons. Mario Grech.