Nhar it-tnejn 9 ta Awwissu grupp ta zaghzagh Xewkin flimkien mad-Djaknu Trevor Sultana ikkampjaw f’ Hondoq ir-Rummien. L-ghada fil-ghaxija, 10 t’ Awwissu (festa ta San Lawrenz) l-Arcipriiet tax-Xewkija Mons C Mercieca, ghamel zjara fil-kamp fejn anke qaddes quddiesa fil-berah. Wara l-quddiesa l-Arcipriet flimkien maz-zaghzagh kielu flimkien taht sema mizghud stillel f’ambjent kwiet u boghod mill-istorbju u l-hajja maghgla  tal-lum.Maghhom kien hemm ukoll Dun Mikiel Xuereb. Kienet esperjenza sabiha hafna u zaghzagh prezenti hadu hafna gost fil-prezenza tal-Arcipriet taghhom u Dun Mikiel. Il-program kompla l-ghada b’aktar divertiment, ghawm, hike u l-BBQ tant mistenni tal-Erbgha fil-ghaxija. Il-Camping  jigi fi tmiemu llum il-Hamis fil-ghaxija. [ Informazzjoni u ritratti : Mario Borg ]

Iz-zghazagh flimkien ma' Trever Sultana qabel ma' telqu ghal-Camping