l-opra tant maghrufa ta’ Giacomo Puccini, li saret b’success kbir fit-Teatru Aurora nhar il-15 ta’ Ottubru 2011, fethet is-siparju tal-istagun tal-opri gewwa Ghawdex. Ix-xenarju tal-palk tat-Teatru Aurora nbena b'hila mis-Sur Teddy Mizzi u mis-Sur Anthony Buhagiar. Dan wara kien impitter minn Paul Falzon. Kien set mill-iktar impenjattiv peress li kien jehtieg tliet postijiet ewlenin li jinsabu Ruma; l-ewwel att, l-intern tal-knisja ta’ Sant’Andrea della Valle; it-tieni, sala barokka tal-Palazzo Farnese; u l-ahhar att, parti minn Kastell San Anglu. Ix-xenarju kollhu gie mixghul bi dwal vivaci u mill-isbah mis-Sur Donald Camilleri li ikkomplimenta is-set b'dehra unika. Falzon pitter xeni li jinkludu l-koppla u l-pendenti tal-knisja ta’ Sant’Andrea; arazz ta’ San Bastjan fil-Palazz Farnese; bassoriljief tal-Madonna; pittura kbira tal-istatwa ta’ San Mikiel fuq Kastell Sant’Anglu; u l-koppla tal-Bazilka ta’ San Pietru fl-isfond. L-udjenza wriet l-ghogba taghha ghall-esekuzzjoni tas-sett mal-ftuh tas-siparju tat-tielet att b’xena impressjonanti ta’ Kastell Sant’Anglu. Intlaqa' b'capcipa spontanja ta' apprezzament.  Fis-serata tal-opra u anke fil-provi zammew l-appuntament taghhom Charles Borg, Luke Galea David Azzopardi u Sharlon Buttigieg li ghinu backstage waqt il-bdil tax-xeni. Nawguraw lil dan it-team jkompli jaghmel aktar successi fil-qasam tal-opra.

Il-Helpers Xewkin flimkien ma' helpes ohra