Matul dawn l-ahhar gimghat, kif stajtu tindunaw, beda jidher isem gdid marbut mall-fotografija li tittella fuq din il-website. Dan wara li koppja li jiffurmaw it-tim ta' Visionism Photography inghaqdu mat-tim ta' Xewkija.net biex b'mod volontarju joffru l-kontribut taghhom permezz ta' servizzi fotografici ta’ postijiet, personalitajiet u attivitajiet marbuta mar-rahal taghna. Ian (li tfisser John) u Carol, li bdew jghixu fix-Xewkija madwar sitt xhur ilu, diga qed ihossuhom parti mill-familja tal-poplu Xewki, u jinsabu entuzjazti bir-ritratti li qed jiehdu ta’ nhawi differenti madwar ir-rahal taghna. Huma hassewhom milqughin hafna fix-Xewkija, kif stqarr maghna Ian innifsu: 'in-nies tax-Xewkija laqghuna hafna u kienu ta’ ghajnuna kbira ghalina biex nintegraw ruhna fil-kommunita. Inhossni grat hafna ghal mod tajjeb kif laqghuna.’
| Ian minn meta kien tifel bil-camera f'idejh
|
Ian, li hu mill-Iskozja, studja l-Computer Science u l-Matematika fl-Universita ta' Edinburgh, u ghadda diversi snin fl-Ingilterra u fl-Istati Uniti jahdem fl-industrija tal-ottika (optics), sakemm iddecieda li l-fotografija - li hu tant kien ilu jipprattika b'passjoni – issir ix-xoghol professjonali tieghu. Ian kien influwenzat hafna minn missieru James, li kien fotografu b’esperjenza kbira. Huwa rcieva l-ewwel camera tar-ritratti (Hanimex 135) bhala rigal ta’ gheluq sninu meta kellu tmien snin, u minn dak in-nhar ma waqafx jipprattika dan il-passatemp. Missieru ghallmu t-teknika kif jigu processati l-films u zviluppati r-ritratt fid-darkroom, kif ukoll l-arti ta’ kif ghandu jkun migbud ritratt tajjeb – kompozizzjoni, focusing, u anke exposure. Aktar tard, Ian kompla jtejjeb il-hiliet tieghu fil-Kullegg tal-Arti fi Plymouth fejn specjalizza fl-ipprocessar digitali u fit-teknika ta’ ritratti fl-istudjo (studio portraiture). Iz-zewgt’itfal ta’ Ian ukoll ghandhom gosti artistici. Bhalissa jinsabu jistudjaw f’Universita fir-Renju Unit. Greg, it-tifel il-kbir, qed jimxi fuq il-passi ta’ missieru u qed jistudja l-fotografija f’Falmouth, wahda mill-aqwa universitajiet f’dan il-qasam. Daniel, iz-zghir, qed jistudja l-Graphic Design f’Leicester, il-belt fejn jghix. Biex jizgura li fil-familja tibqa’ hajja t-tradizzjoni tal-fotografija, dan l-ahhar Ian irregala l-ewwel camera liz-zewg neputijiet tieghu – Isla (6) u Rowan (4), li jigu t-tfal ta’ bintu Helan. Regolarment xogholijiet ta’ Ian u Coral jigu ppubblikati f’rivisti fir-Renju Unit. Huma joffru servizz ta’ fotografija ta’ portraits kemm fl-istudjo taghhom kif ukoll f’lokalitajiet differenti, kif ukoll joffru servizz ta’ fotografija f’okkazjonijiet tal-familja bhal tigijiet, maghmudijiet u birthday parties. Aktar informazzjoni dwar ix-xogholijiet ta’ Ian u Coral tistghu tarawhom fuq il-website www.visionism.co.uk u www.facebook.com/VisionismPhotography. F’isem Xewkija.net nirringrazzjaw minn qalbna lil koppja Ian u Carol ghas-servizz li qed joffru b’mod volontarju lil din il-website. Please login or register to add comments |