Ritratt tal-logg il-gdid tal-Knisja Rotunda Ikklikkja fuq ir-ritratt biex tkabbar.

Il-logg ta' l-'istained glass' tal-knisja Rotunda tax-Xewkija wasal bl-ajru mill-Italja f'dawn l-ahhar sieghat u mistenni li ghada jasal ix-Xewkija fejn imbaghad jigi iccekjat ghal xi hsarat. Il-gimgha d-diehla imbaghad jigu t- teknici mill-Italja halli jpogguh f'postu. Xewkija.net irceviet ritratt ta' dan il-logg u qieghda twassalulkom grazzi ghal kooperazzjoni ta' l-Arcipriet Mons Carmelo Mercieca. Il-logg inhadem mill-fabbrika Domus Dei ta' Ruma fuq disinn tal-Kav. Paul Camilleri Cauchi. Dan il-logg ser jitqieghed fuq il-bieb il-kbir. Il-logg juri l-Glorja ta' San Gwann Battista. Id-disinn tal-logg finali kien zviluppat fuq l-abbozz originali li kien esebit ghal l-ewwel darba fil-festa ta' San Gwann tas-sena l-ohra.

Dan il-logg hu kompost min seba' persunaggi. Fic-centru nsibu lil Kristu jigglorifika lil San Gwann bil-figura tal-Missier u l-Ispirtu s-Santu fil-forma ta' Hamiema. Fix-xellug n-naha ta' Kristu nsibu lil figura tal-Madonna u dik ta' San Guzepp, filwaqt li fuq n-naha tal-lemin, n-naha ta San Gwann naraw lil Santa Elizabbetta u lil San Zakkarija. Mill-abbozz originali tnehhew iz-zewg angli mill-gnub, biex il-persunaggi jispikkaw iktar. Il-persunaggi tal-Missier, Kristu u San Gwann jiffurmaw it-trijangolu centrali  filwaqt li il-figuri l-ohra, tnejn kull naha, jibbilancjaw tajjeb din il-bicca xoghol ta' l-arti ta' sengha kbira. 

Ritratt ta l-abbozz tal-logg - Hajr Joe Zammit