Kliem  ta' Giuseppi Serafin Cutajar (Dawn il-versi kienu gew immuzikati minn Mro Indri Borg fl-1931)

O Kbir Prekursur Govanni, f'dan il-jum tal-festa tieghek lilek naghtu gieh minn qalbna u ilkoll nifirhu mieghek.

Glorja, glorja w ferh go qlubna
nissel fina, Prekursur,
int it-tama, int l-imhabba,
tax-Xewkin kbir protettur.

Fost l-ghajjat u sparar qawwi!
iktar tixghel qalbna pura;
il-ferh nissel fil-qlub taghna
sa ta' l-icken kreatura.

Saltan fuqna Kbir Govanni,
int tar-rahal Protettur!
qatt ma nholqu akbar minnek;
int il-glorja, l-ferh, l-unur.