Nhar l-Erbgha 6 t’Awissu saret assemblea ta’ l-ghaqdiet bi preparazzjoni ghall-Missjoni Djocesana, li se tibda fl-1 ta’ Ottubru 2008 u tibqa’ sejra sal-bidu tax-xahar ta’ Gunju 2009.  Din l-assemblea hadet forma ta’ laqgha ta’ talb, immexxija mill-Arcipriet Mons. Carmelo Mercieca.  Waqt din il-laqgha saru zewg interventi – wiehed minn Dun Giovanni Curmi, segretarju ghall-pastorali, u l-iehor minn Dun Anton Theuma li hu inkarigat mill-Missjoni Djocesana.  Ghal din il-laqgha kien hemm prezenti ghadd sabih ta’ membri mill-ghaqdiet religjuzi li ghandna fil-parrocca (Legjun ta’ Marija, Azzjoni Kattolika u Socjetà tad-Duttrina Nisranija). L-iskop tal-Missjoni Djocesana huwa: 

1. Biex l-insara tal-gzira ikollhom l-opportunità li jergghu jghixu l-grajja tax-xandir ta’ l-Ahbar it-Tajba mwassla minn Pawlu.
2. Biex jergghu jaghrfu s-sbuhija tal-hajja tad-dixxipli ta’ Gesù.
3. Biex jergghu jaghrfu, b’gharfien shih u rieda soda, li jhobbu lil Gesù, jiehdu sehem aktar attiv fic-celebrazzjoni ta’ l-Ewkaristija u jkomplu l-formazzjoni nisranija taghhom.
   
   {Informazzjoni: Trevor Sultana Ritratti: Frans Galea }

Dun Govanni Curmi waqt il-laqgha

Membri mill-ghaqdiet waqt il-laqgha