Illum 17 ta' April il-portal tax-Xewkija ghalqet sena minn meta fethet ufficjalment il-Hamis 15 ta' April 2008. Nistghu nghidu li matul din is-sena wassalna mijiet ta' ahbarijiet u informazzjoni dwar l-attivitajiet li kull ghaqda fix-Xewkija kienet qed torganizza. Barra minn dan zgur li konna ta' servizz kbir b'mod specjali ghal dawk kollha li  huma 'il boghod minn pajjizna. Filwaqt li niskuzaw ruhna ghal xi nuqqasijiet li ghamilna inweghdukom li ser inkomplu inwasslu l-ahhar ahbarijiet dwar ir-rahal ghaziz taghna ix-XEWKIJA . Grazzi kbira tmur ghal dawk li qed jaghtu sehemhom u li intom forsi ma tafux bihom . Nixtiequ ngharfukom ukoll li biex infakkru dan l-anniversarju nhar il-Gimgha 24 ta' April ser intellghu serata kommerattiva f'gieh il-poeta Xewki Anton Haber li miet ftit tax-xhur ilu. Is-serata ser tinzamm fis-Sala " Zakkarija Cilia ", il-Kazin tal-Banda Prekursur fit-8.00pm.