Marc u Programm fil-Festa ta' San Gorg

Din il-gimgha f'Ghawdex kienet iddedikata biex ir-rabtin jiccelebraw il-festa ta' San Gorg.  Il-Banda Prekursur hadet sehem ukoll f'din il-festa u ezzattament kienet mistiedna biex taghmel marc u programm il-Gimgha 16 ta' Lulju 2009.  Il-Marc beda fid-9 ta' filghaxija mit-tigrija u spicca fil-pjazza tal-Bazilika ta' San Gorg.  Hemmhekk sibna il-palk ippreparat bil-lugiji u siggijiet fejn stajna noqodu u naghtu pjacir bil-muzika lin-nies prezenti.  F'dan il-program daqqejna diversi bicciet muzikali fosthom "Free World Fantasy", "Conquest of Paradise" u "One Moment in Time" - fejn is-solista ta' din il-bicca kien il-bandist Xewki Darren Pace - fost diversi bicciet muzika ohrajn.  Id-direzzjoni ta' dawn kollha kienet f'idejn is-Surmast Direttur tal-Banda Mro. Anthony Borg.